NoBOSS.is

Fyrir nokkrum mánuðum fór ég að hugsa um hvernig ég gæti fengið pening með skóla án þess að vinna. Á þeim tíma var ég vaktstjóri á skyndibitastað og fékk algjört ógeð.

Fljótlega fékk ég hugmynd um að fá tekjur af netinu á einhvern hátt.

Ég stofnaði vefsíðu um næringu og heilsu, sem varð alveg ótrúlega vinsæl á rúmu hálfu ári og hefur verið að fá u.þ.b. 3000-6000 heimsóknir á dag.

Af þessari vefsíðu er ég að fá yfir 400 þúsund krónur á mánuði, meira en ég hef nokkurn tíma þénað í fullu starfi. Samt þarf ég aðeins að vinna nokkra klukkutíma á viku.

Ekki misskilja mig, það kostaði mig heilmikla vinnu að koma þessu í gang og fjóra og hálfan mánuð að fá fyrstu ávísunina.

En vinnan við að viðhalda þessu er lítil. Ef ég vil, get ég látið nægja að skrifa aðeins eina grein í hverri viku sem tekur nokkra klukkutíma ef ég vanda mig mjög mikið.

En margir hafa spurt mig hvernig ég fór að þessu og þess vegna ákvað ég að búa til þessa vefsíðu hér, til að kenna fleiri Íslendingum að gera eins og ég.

Til að geta þetta þarftu aðgang að tölvu og interneti, vera vel skrifandi á ensku, hafa áhuga og þekkingu á einhverju viðfangsefni, og töluverða þolinmæði.

Þetta er fullkomin vinna fyrir háskólafólk sem hefur frítíma aflögu, fyrir atvinnulausa, eða bara fyrir hvern sem er sem vill ná sér í aukatekjur.

Allt sem ég mun kenna er algjörlega löglegt, auk þess sem að þetta er gjaldeyrisskapandi fyrir þjóðarbúið.

Ég hef ákveðið að veita fría ráðgjöf í gegnum tölvupóst (kristjan@noboss.is) á meðan ég er að koma þessari síðu af stað.

Ef þér tekst að fá nokkur þúsund heimsóknir á dag á þína eigin vefsíðu, eru góðar líkur á að þú munir fá meiri tekjur af því en í fullri vinnu.

En það eina sem þú þarft að hafa í huga til að byrja með, er að koma vefsíðunni í gang og fá stöðugar 100 heimsóknir á dag.

Það er fyrsta, stærsta og erfiðasta markmiðið.

Það er miklu auðveldara að fara úr 100 heimsóknum í 1000 á dag en það er að fara úr 0 heimsóknum í 100. Ef þér tekst að komast í stöðugar 100 heimsóknir á dag, þá eru þér allir vegir færir.